2025թ. սեպտեմբերի 9

2025թ. սեպտեմբերի 9-ին «Կապիտալ շուկայի աջակցման ծրագիր»-ի (CMS) շրջանակում անցկացվեց առցանց վեբինար, որը նվիրված էր վարկանիշավորման հիմունքներին։ Սեմինարը վարում էր Scope Group-ի տնօրեն Նիկոլա Կամբիեն և միավորել էր շուկայի մասնակիցներին՝ ստանալու գործնական պատկերացումներ կապիտալ շուկաներում վարկանիշների դերի և կարևորության վերաբերյալ։

Վեբինարը մասնակիցներին ներկայացրեց, թե ինչպես է որոշվում վարկանիշը, ինչու է այն կարևոր ընկերությունների և ներդրողների համար, ինչպես նաև այն բարելավելու հնարավոր ռազմավարությունները։ Քննարկման հիմնական կետերն էին․

• Վարկանիշների ըմբռնում – Ի՞նչ են դրանք և ինչու են կարևոր

• Վարկանիշավորման գործընթաց – Պահանջներ և քայլեր վարկանիշ ստանալու համար

• Ընկերության վարկանիշի ամրապնդում – Գործնական մոտեցումներ բարելավման համար

Այս սեմինարը CMS ծրագրի շարունակական գործունեության մաս էր կազմում։ Ծրագիրը համատեղ նախաձեռնություն է՝ Եվրոպական Վերակառուցման և Զարգացման Բանկի (ԵՎԶԲ) և Եվրոպական Միության (ԵՄ) կողմից։ Այն իրականացվում է Galt & Taggart և Ameria Management Advisory ընկերությունների կողմից՝ Հայաստանի Հանրապետության Էկոնոմիկայի նախարարության համագործակցությամբ։

Կապիտալ շուկայի գործիքների բոլոր հավանական թողարկողները խրախուսվում են դիմելու CMS ծրագրին։ Գրանցումը սկսվել է 2025թ. հունիսի 9-ից։ Հետաքրքրված ընկերությունները կարող են գրանցվել ծրագրի պաշտոնական կայքում՝ www.cms-armenia.ebrd.com։